Garmi-E-Hasrat-E-Nakam Se Jal Jate Hain

 

Poet Qateel Shifai 

 

Garmi-E-Hasrat-E-Nakam Se Jal Jate Hain,

Hum Charaghon Ki Tarha Sham Se Jal Jate Hain,

Bach Nikalte Hain Agar Atih-E-Sayad Se Hum,

Shola-E-Atish-E-Gulfam Se Jal Jate Hain,

Khud Numai To Nahi Shewa-E-Arbab-E-Wafa,

Jin Ko Jalna Ho Wo Aaram Se Jal Jate Hain,

Shama Jis Aag Mein Jalti Hai Numaish K Liye,

Hum Usi Aag Mein Gum Nam Se Jal Jate Hain,

Jab Bhi Aata Hai Mera Nam Tere Nam K Sath,

Jane Kion Log Mere Nam Se Jal Jate Hain,

Rabta Baham Pe Humain Kia Na Kahein Gay Dushman,

Ashna Jab Tere Paigham Se Jal Jata Hai..................!