Aah ! O Ishrat Fazaa-e-Rooh-e-Insani Hilaal

=============

Hilaal-e-Eid

=============

.

Aah ! O Ishrat Fazaa-e-Rooh-e-Insani Hilaal......!

.

Aah ! O Kudrat Numa-e-Shaan-e-Yazdaani Hlil....!

.

Aah ! O Fitrat Laqa-e-Bazm-e-Noraani Hilal......!

.

Aah ! O Soorat Kasha-e-Zouq-e-Wajdaani Hilal...!

.

...Tu Naveed-e-Inbasaat-e-Khatir-e-Pazmazda Hai...

.

...Hasrat Us Mayoos Par , Is Par Bhi Jo Afsurda Hai...

.

Dekhta Hon Main Tujhy , Tu Dekhta Hai Mera Haal...

.

Jaan-e-Muztar Qalb-e-Aazarda Pareshan Sir Ke Baal...

.

Tu Daleel-e-Ouuj , Rifat , Main Sarapa Paimaal...

.

Aah ! Ye Din , Aah ! Ye Shab , Aah ! Ye Shaam-e-Malaal...

.

...Az Dil Afgaar-e-Janoo'n , Waja-e-Dil Afgaari Mipras...

.

...Aah ! Ghamkhwaar-e-Ghamam ! Haal-e-Gham Aazaari Mipras...

(Farsi)

.

Haal Pochta Hai , Mujh Se Tu , Aye BeKhabar...

.

Ho Chuki Tareek , Chashm-e-Yaas Main Sham-o-Sahar...

.

Aah !  Wo Gham Ki Kahani Barh Gai Hai Kis Qadar...

.

Jis Ko Main Samjhy Hoye Tha Dastaan-e-Mukhtasir...

.

...Saal Bhar Pechy , Ayadat Ko Meri Aaya Hai Tu...

.

...Laa , Dawa-Iztraab-e-Dard , Kiya Laya Hai Tu...?

.

Khair Tu Khamosh Hai , To Hum Samajhty Hain Ye Raaz...

.

Khair , Tu Chup Hai , To Hum Khud Hi Bajaty Hain Ye Saaz...

.

Uth Gai Thi Jab Se Teri Janib  Ek Ungashat-e-Naaz...

.

Hai Usi Din Se Tabiat Teri Is Darja Dil Gudaaz...

.

...Tery , Ghatny Aur Barhny Main Bhi Pinhaa'n Bhed Hai...

.

...Tu Qateel-e-Gham Nahi Hai , Zinda-e-Javed Hai...

.

Mujh Main Tujh Main , Ek Zameen-o-Aasman Ka Farq Hai...

.

Main Hon Muztar Tu Hawa-e-Dil_Kashi Main Ghark Hai...

.

Tery Aagy Zard Chehra , Aaftaab-e-Sharq Hai...

.

Aur Mery Wasty Teri Jhalak Hi Barq Hai...

.

...Haan , Magar Ek Imtiaaz-e-Aashqi Mujh Main Bhi Hai...

.

...Janta Hon Main , Keh Jo Mujh Main Hai , Wo Tujh Main Bhi Hai...

.

Farq Itna Hai , Keh Tu Hai Kamyab-e-Aarzu...

.

Zar'ra-e-Hasrat Hon Main Tu Aftab-e-Aarzu...

.

Uth Chuka Hai Teri Nazron Sy Hijaab-e-Aarzu...

.

Aur Ab Tak Gum Hon Main Zer-e-Naqaab-e-Aarzu...

.

...Laakh Par Bhaari Hai , Teri Ek Hasti-e-Naheef...

.

...Dekh Leny Sy Teri Khul Jati Hai Chashm-e-Zaeef...

.

Ek Zamana Tha Keh,Thi Meri Tabiyat Bhi Gudaaz...

.

Ab To Hon  , Ek Hasti Mohum Ka Khamosh Saaz...

.

Jitny Sajdy Thy Jabee'n Main Kar Chuka Sarf-e-Niyaaz...

.

Ho chuki Mehmani-e-Gham Uth Chuky  Ab Dil Ke Naaz...

.

...Badar Tha Pehly , Magar Ab Main Hilali Ho Gya...

.

...Hijar Main Itna Ghula , Naqsh-e-Khayali Ho Gya...

.

Aa Keh Ruksat Tum Se Ho Loo'n , Teri Ruksat Dekh Loo'n...

.

Aa , Keh Dam Bhar Aur Apna Naqsh-e-Hasrat Dekh Loo'n...

.

Aa , Keh Tery Aainy Main Khat-e-Kismat Dekh Loo'n...

.

Aa , Keh Apny Dekhny Waalon Ki Soorat Dekh Loo'n...

.

...Dekh Kar Soorat Teri , Jaa'n Apni Dy Doo'n Ga Tujhy...

.

...Ab K Dekha Hai Tujhy , Ab K Na Dekhon Ga Tujhy.....

.

................................

Chand Mubarak

...............................

===============

Nomiii Collection

===============