Bhoole Se Kabhi Le Jo Koi Naam Humara

 

Poet Abdul Hameed Addam 

 

Bhoole Se Kabhi Le Jo Koi Naam Humara,

Mar Jaye Khushi Se Dil-E-Nakaam Humara,

Le Jati Hai Us Simt Humain Gardish-E-Dowraan,

Aye Dost Kharabat Se Kia Kaam Humara,

Kar Lete Hain Takhleeq Koi Wajha-E-Aziyat,

Bhata Nahi Khud Hum Ko Bhi Aaram Humara,

Aye Gardish-E-Doraan Ye Koi Soch Ki Rutt Hai,

Kambakht Abhi Daor Mein Hai Jaam Humara,

Is Bar To Aya Tha Idhar Qasid-E-Jaan Khud,

Sar Kaar Ko Pohncha Nahi Paigham Humara,

Ponhchai Hai Takleef Bahut Pehle Hi Tujh Ko,

Aye Rah Numa Hath Na Ab Thaam Humara...........!

Page 168 169