Ye Ghazi Ye Tere Purisraar Bande Jinhain Too Ne Bakhsha Hai Zuaq-E-Khudai

 

Poet Allama Iqbal

 

TARIQ KI DUA

Andalus K

Maidan-E-Jang

Mein

Type By 

*._Ayaz_Khan_.* 

 

Ye Ghazi Ye Tere Purisraar Bande

Jinhain Too Ne Bakhsha Hai Zuaq-E-Khudai.

Do-Neem In Ki Thoukar Se Sehra-O-Daria.

Simat Kar Pahaar In Ki Haibat Se Rayi.

Do Alam Se Karti Hai Baigana Dil Ko.

Ajab Cheez Hai Lazzat-E-Ashnayi.

Shahadat Hai Matloob-O- Maqsood-E-Momin.

Na Maal-E-Ghanimat Na Kishwar Kushayi.

Khayabaan Mein Hai Muntazir Lala Kab Se.

Qaba Chahiye Iss Ko Khon-E- Arab Se,

Kiya Too Ne Sehra Nasheenon Ko Yakta.

Khabar Mein, Nazar Mein, Azan-E-Sehar Mein.

Talab Jis Ki Sadiyon Se Thi Zindagi Ko.

Woh Sooz Iss Ne Paya Inhi Ke Jigar Mein.

Kushad-E-Dar-E-Dil Samajhte Hain Iss Ko.

Halakat Nahin Mout In Ki Nazar Mein.

Dil-E-Mard-E-Momin Mein Phir Zinda Kar De.

Woh Bijli Ke Thi Naara-E-LA TAZAR Mein.

Azaim Ko Seenon Mein Baidaar Kar De.

Nigah-E-Musalman Ko Talwaar Kar De.....!

....THE END....

 

Book:

Bal e Jibreel

Page: 89,90