Buhat Muddat Se Aisa Hai, K Tum Khamosh Rehtay Ho

Buhat Muddat Se Aisa Hai,
K Tum Khamosh Rehtay Ho,

Koi Gehra Hai Ghum Shayad,

Jisay Chup Chap Sehtay Ho,

Yunhi Chaltay Hue Tanha,

Koi Ghamgeen Se Naghma,

Tum Aksar Gungunatay Ho,

Doran-e-Guftago Yunhi,

Milein Nazron Se Jab Nazren,

Toh Baatein Bhool Jatay Ho,

Kisi Gum Sum Si Halat Mein,

Ya Phir Barish K Mousam Mein,

Faqat Itna Hi Kehtay Ho,

Udasi Bewaja Si Hai,

Buhat Bojhal Tabiyat Hai,

Bhala Sach Kyun Nahi Kehtay,

Mujhe Tum Yaad Kartay Ho!