Gair Lein Mehfil Main,Boose Jaam Ke, Hum Rahein Yun Tishna Lab Pegham Ke

 

Poet:Asadullah Khan Ghalib

Type By

*._.Murtaza._.*

Gair Lein Mehfil Main,Boose Jaam Ke,

Hum Rahein Yun Tishna Lab Pegham Ke,

Khastagi Ka Tum Se Kya Shikwa,

Keh Ye Hatkhande Hain Charaagh-E-Neeli Faam Ke,

Khat Lekhenge,Garche Matlab Kuch Na Kaho,

Hum To Aashiq Hain Tumhare Naam Ke,

Raat Pee Zamzam Pe Maiy,Aur Subah Dam,

Dhoye Dhabe Jaama-E-Ahraam Ke,

Dil Ko Aankhon Ne Phansaaya,Kya Magar,

Ye Bhi Halqe Hain Tumhare Daam Ke,

Shah Ke Hai Ghussil-E-Sehat Ki Khabar,

Daikhiye,Kab Din Phirein Hamaam Ke,

Ishq Ne "GHALIB" Nikama Kar Diya,

Warna Hum Bhi Aadmi Thay Kaam Ke.......!

Book Name

Deewan-E-Ghalib

Page No 204