Kat Hi Gai Judai Bhi,Kab Ye Huwa Keh Mar Gaye

کٹ ھی گئی جدائی بھی ، کب یہ ھُوا کہ مر گئے
تیرے بھی دن گزر گئے ، میرے بھی دن گزر گئے
تو بھی کچھ اور، اور ھے ، ھم بھی کچھ اوراور ھیں
جانے وہ تو کدھر گیا ، جانے وہ ھم کدھر گئے
راھوں میں ملے تھے ھم ، راھیں نصیب بن گئیں
تو بھی نہ اپنے گھر گیا ، ھم بھی نہ اپنے گھر گئے
وہ بھی غبارِ خاک تھا ، ھم بھی غبارِ خاک تھے
وہ بھی کہیں بکھر گیا ، ھم بھی کہیں بکھر گئے
کوئی کنارِآبِ جو ، بیٹھا ھُوا ھے سرنگوں
کشتی کدھر چلی گئی ، جانے کدھر بھنور گئے
تیرے لیے چلے تھے ھم ، تیرے لیے ٹھہر گئے
تو نے کہا تو جی اٹھے ، تو نے کہا تو مر گئے
وقت ھی کچھ جُدائی کا ، اتنا طویل ھو گیا
دل میں تیرے وصال کے ، جتنے تھے زخم بھر گئے
بارش وصل وہ ھُوئی ، سارا غبار دُھل گیا
وہ بھی نکھر نکھر گیا، ھم بھی نکھر نکھر گئے
اتنے قریب ھو گئے، اتنے رقیب ھو گئے
وہ بھی عدیم ڈر گیا ، ھم بھی عدیم ڈر گئے

عدیم ھاشمی