Khamosh Ho Kion Daad-E-Jafa Kion Nahi Dete, Bismal Ho To Qatil Ko Dua Kion Nahi Dete ?

Poet Ahmad Faraz

Type
By
UJRRA-DIL

Khamosh Ho Kion Daad-E-Jafa Kion Nahi Dete,

Bismal Ho To Qatil Ko Dua Kion Nahi Dete ?

Wehshat Ka Sababb Rozan-E-Zindaan To Nahi Hai,

Mehar-O-Maah-O-Anjam Ko Bujha Kion Nahi Dete,

Ik Ye Bhi To Andaz-E-Ellaj-E-Gham-E-Jaan Hai,

Ay Charah Garo Dard Barrha Kion Nahi Dete,

Mansif Ho Agar Tum To Kab Insaf Karo Ge ?

Mujrim Hain Agar Hum To Saza Kion Nahi Dete,

Rehzan Ho To Hazir Hai Mataa-E-Dil-O-Jaan Bhi,

Rehbar Ho To Manzil Ka Pata Kion Nahi Dete,

Kaya Beet Gai Ab K FARAZ Ehal-E-Chaman Par ?

Yaraan-E-Qafas Mujh Ko Sada Kion Nahi Dete................?