Tuesday, 19 January 2016

Bohat Aaraam Karna Chaahti Hun Yehi Ek Kaam Karna Chaahti Hun



Bohat Aaraam Karna Chaahti Hun

Yehi Ek Kaam Karna Chaahti Hun

Shaoor-e-Aagahi Ek Almiyaa Hai

Isey Neelaam Karna Chaahti Hun

Mein Apni Umr Ke Saarey Asaasey

Tumhaarey Naam Karna Chaahti Hun

Tumhaarey Khaima-E-Khushbu Mein Reh Kar

Mein Subaah-O-Shaam Karna Chaahti Hun

Charaaghon Se Havaa Ki Dushmani Hai

Isey Naakaam Karna Chaahti Hun

Noshi


0 Responses to “Bohat Aaraam Karna Chaahti Hun Yehi Ek Kaam Karna Chaahti Hun”

Post a Comment