Teri khushboo nahin milti,tera lehja nahin milta

Teri khushboo nahin milti,tera lehja nahin milta

hamein to shaher main koi,tere jesa nahin milta

ye kaisi dhund main,hm tum,safar ka aghaz kr bethay

tumhein aankhen nahin milten,hamein chehra nahin milta

bhala us k dukhon ki raat ka,koi madawa hai?

wo maa jis ko kabhi,khoya huwa bacha nahin milta

zamanay ko,qareenay se wo apnay sath rakhta hai

magar meray liye us ko,koi lamha nahin milta

musafat main dua e abr un ka sath deti hai

jinhein sahraa k daman main,koi drya nahin milta

jahan zulmat,ragon main apnay panjay gaar deti hai

usi tareek rastay par,diya jalta nahin milta

NOSHI GILANI