Ab ke yun dil ko saza di hum ny Uss ki har baat bhula di hum ny

Ab ke yun dil ko saza di hum ny

Uss ki har baat bhula di hum ny

Ek ek phool bahut yaad aayaa

Shakh-e gul jab woh jala di hum ny

Aaj tak jis pe woh sharmaate hain

Baat woh kab ki bhula di hum ny

Shehar-e jahan raakh se aabaad hua

Aag jab dil ki bujha di hum ny

Aaj phir yaad bahut aaya woh

Aaj phir uss ko dua di hum ny

Koi toh baat hai uss mein FAIZ 

Har khushi jis pe luta di hum ne