Husn Wale Wo Kaam Karte Hain

 

 

 

Poet Shazad Qais 

 

Husn Wale Wo Kaam Karte Hain,

Lafz Jhuk Kar Salam Karte Hain,

Umar Bhar Ye Ghulam Na Samjha,

Aap Kaise Ghulam Karte Hain?

Khush Naseebi Gulon Pe Khatm Hoi,

Un Ki Zulfon Mein Shaam Karte Hain,

Ba Adab, Ba Mulahiza! Ghar Mein,

Ab Kabootar Qayam Karte Hain,

Fatwa Tabeer Par Hi Lago, Hazoor!

Khawab Ko Kion Haram Karte Hain?

Jam to Torr Baithe Minbar Par,

Ab Sabo Ko Imaam Karte Hain,

Qissa-e-Ishq Aage Barr Na Saka,

Wo Mera Ehtaraam Karte Hain,

Chaar Khane Banaye Baitha Hai,

Dill ! Tera Intazam Karte Hain.

Sab Shoro Karte Hain Ba Naam-e-Khuda,

Hum Khuda Par Tamam Karte Hain,

Bin Mile Jin Se QAIS IshQ Howa!

Ye Ghazal Un K Naam Karte Hain........................!