Kia Likhon kia shabaab Un ka hai

 

Poet Shahzad Qais 

 

Kia Likhon kia shabaab Un ka hai,

Zulf, phir Us mein Phool, Uff Allah,

Rukh, Rukh Mahtab Un Ka Hai,

Hont, barg_e_Gulab Bheega howa,

Jisam, jaam_e_sharab Un ka hai,

Hath se khol di hai kachi kali,

Kitna Roshan jawab Un ka hai,

Ek hi waar w0 bhi dil Pe karo,

Seedha saadha hissab Un ka hai,

Rukh pe masomiat ka Pehra Hai,

Kaam ye kaamyab Un ka hai,

Aqal to meri ik bhi sunti nahi,

Dil bhi Khana kharab Un Ka hai,

Wo jo Phoolon mein Chup K baithe hain,

Kitna Acha hijab Un ka hai,

Ankabaton Ne ''waah waah'' Kaha,

Itna nazuk naqab Un Ka Hai,

Qais !! Sab se haseen shair Hai,

Choon k Wo ''Intakhab'' Un Ka Hai.......!