Yar Se Hath Jab Milaon Ga Aah Shayad Main

 

Poet Shazad Qais 

 

Yar Se Hath Jab Milaon Ga,

Aaah Shayad Main Mar Hi Jaon Ga,

Chaand Yaqoot Lab Ka Aye Nazar,

Eid Mein Hashar Tak Manaon ga,

Jald Maanoos Hon gay Youn Mujh se

Un ko Milte Hi Moonh Charaon Ga

Aine Se Sanam Tarasha Hai,

Tum Kabi Aao To Dikhaon Ga

Jane Wo Kis Gali Mein Utrein Gay

Shehr ki Har Gali Sajaon Ga

Kitna pagal Hon Ye To Socha Nahi

Aap ko kis Jaga Bethaon Ga

Mutthi Mein Jugno Bhar K Zulfon mein

Chahaton K Diye Jalaon Ga

Ishq Daria Se To Bara Hai Mera,

Aap Rasta Main Khud Banaon Ga

Kitne khush Hon gay Tak kar Wo Mujhe

Khud Ghalat sheir Gun Gunaon Ga

Qais is Maqta Mein Hai Jado sa

Log Hans Dein Gay jab Sunaon Ga...................!