Kabhi Is Par Fida Ho Kar Kabhi Us Par Fida Ho Kar The Famous Ghazal By NasEEr-O-Deen NasEEr

Poet Naseer-o-Deen Naseer 

Wafa Ho Kar,

Jafa Ho Kar,

Haya Ho Kar,

Adaa Ho Kar,

Samaye Wo Mere Dil Mein Nahi Maloom Kia Ho Kar,

Mera Kehna Yehi Hai Too Na Rukhsat Ho Khafa Ho Kar,

Ab Aage Teri Marzi, Jo Bhi Tera Mudda'a Ho, Kar,

Na Wo Mehfil,

Na Wo Saqi,

Na Wo Saghar,

Na Wo Bada,

Humari Zindagi Ab Reh Gai Hai Be Maza Ho Kar,

Maaz ALLAH...!

Ye Aalam Button Ki Khud Numai Ka,

K Jaise Cha Hi Jain Gay Khudai Par Khuda Ho Kar,

Bahr Soorat Wo Dil Walon Se Dil Ko Cheen Lete Hain,

Machal Kar,

Muskara Kar,

Rooth Kar,

Tan Kar,

Khafa Ho Kar,

Na Choro Sath Mera Hijar Ki Shab Doobte Taro............!

Na Phero Mujh Se Youn Aankhain Mere Gham Aashna Ho Kar,

Inhain Phir Kon Janche Kon Tole Ga Nigahon Mein,

Agar Kante Rahein Gulshan Mein Phoolon Se Juda Ho Kar,

Mere Dil Ne Haseeno Mein Maze Loote Mohabbat K,

Kabhi Is Par Fida Ho Kar Kabhi Us Par Fida Ho Kar,

Jahan Se Wo Humain Halki Si Aawaz Dete Hain,

Wahan Hum Ja Pohnchte Hain Mohabbat Mein Hawa Ho Kar,

Sambhalein Apne Dil Ko Hum K Roin Apni Qismat Ko,

Chale Hain Aye Naseer-E-Zaar...!

Wo Hum Se Khafa Ho Kar.............!