Tera Khayal Rahe Teri Aarzo Bhi Rahe

Poet Naseer-o-Deen Naseer 

Tera Khayal Rahe Teri Aarzo Bhi Rahe,

Ye Dil Tera Hai Kabhi Is Mein Aa K Too Bhi Rahe,

Wafoor-E-Shoq Mein Chahat Ki Aabro Bhi Rahe,

Talash-E-Yar Bhi Ho Apni Justajoo Bhi Rahe,

Ye Do Ghari Ki Rafaqat Nahi Mohabbat Hai,

Haya To Hussn Ka Zevar Hai Guftagoo Bhi Rahe,

Jamal-E-Haq Meri Aankhon Ka Noor Ban K Raha,

Agar Che Meri Nigahon Mein Khoo Baroo Bhi Rahe,

Tere Baghair Kabhi Maye Ka Naam Tak Na Lia,

Hazar Jaam Chale Samne Saboo Bhi Rahe,

Khuda Kare Tujhe Bhi Gham-E-Mohabbat Ho,

Tamam Umar Girftar-E-Ishq Too Bhi Rahe,

Mujhe Dhun Hai K Mehfil Mein Koi Ghair Na Ho,

Usay Ye Zid Hai K Main Bhi Rahon Adav Bhi Rahe,

Suna Hai Un Ki Mulaqat Ko Gaye Thay,

NASEER

Mile Wo Aap Se Ap Un K Roo Ba Roo Bhi Rahe..........!