Chupke Chupke Gham Ka Khana Koi Hum Se Seekh Jaye Jii Hi Jii Mein Tilmilana Koi Hum Se Seekh Jaye

 

 Poet:Muhammad Ibrahim Zauq

Chupke Chupke Gham Ka Khana Koi Hum Se Seekh Jaye

Jii Hi Jii Mein Tilmilana Koi Hum Se Seekh Jaye

  

Teer-o-Paikaan Jitne The Dil Se Diye Hum Ne Nikaal 

Apne Haathoon Ghar Lutana Koi Hum Se Seekh Jaye

Dekh Ke Qatil Ko Bhar Laaye Kharash-e-Dil Mei Khoon

Sach To Hai Yun Muskurana Koi Hum Se Seekh Jaye

Khat Mein Likhwa Kar Unhein Bheja To Matla Dard Ka

Dard-e-Dil Apna Jatana Koi Hum Se Seekh Jaye

Tegh To Onchi Par'ri Thi Gir Par'rhe Hum Aap Se

Dil Ko Qatil Ke Be-Rehmana Koi Hum Se Seekh Jaye

Jab Kaha Maarta Hoon Wo Bole Mera Sar Kaat Kar

Jhoot Ko Sach Kar Dekhana Koi Hum Se Seekh Jaye

Waan Hile Abroo Yahan Gardan Pe Pheri Hum Ne Tegh

Baat Ka Ema Bhi Paana Koi Hum Se Seekh Jaye

Sun Ke Aamad Un ki Az-Khud Rafta Ho Jate Hain Hum

Paishwa Lene Ko Jaana Koi Hum Se Seekh Jaye

Hum Ne Pehle Hi Kaha Tha Tu Kare Ga Hum Ko Qatal

Teoriyon Ka Taar Jana Koi Hum Se Seekh Jaye

Jo Sekhaya Apni Qismat Ne Wagarna Us Ko Ghair

Kia Sekhaye Ga Sikhaya Koi Hum Se Seekh Jaye

Kia Howa Ay "Zauq" Hain Joon Mardunnak Hum Roo-Siyaah

Lekin Aankhon Mein Saamne Koi Hum Se Seekh Jaye...........!