Lete Hain Dil Jo Aashiq-e-Dilsoz Ka Chale Tum Aag Lene Aaye The Kia Aaye Kia Chale

 

Poet:Muhammad Ibrahim Zauq

Lete Hain Dil Jo Aashiq-e-Dilsoz Ka Chale

Tum Aag Lene Aaye The Kia Aaye Kia Chale

Bal Be Gharoor-e-Husn Zameen Par Na Rakhe Paaon

Maaninde Aaftaab Wo Be Naqshe Paa Chale

Kya Le Chale Gali Se Teri Hum Ke Jon Niseem

Aaye The Sar Pe Khaak Ur'rhane Ur'rha Chale

Aalooda Chashm Mein Na Hoi Surma Se Nigaah

Dekha Jahan Se Saaf Hi Ahle Safaa Chale

Saath Apne Le Ke Tausne Umre Rawaan Ko Aah

Hum Is Saraaye Dahar Mein Kya Aaye Kya Chale

Fikre Qana'at Unko Muyassar Hoi Kahan

Dunya Se Dil Mein Le Ke Hirs-o-Hawa Chale

Ay "Zauq" Hai Ghazab Nigaah-e-Yaar Alhafeez!

Wo Kia Bache Keh Jis Pe Ye Teer-e-Qazaa Chale.......!