Main Wo Majnoon Hoon Jo Nikloon Konj-e-Zindaan Chor'rh Kar Seb-e-Jannat Tak Na Khaon Sang-e-Tiflan Chor'rh Kar

Poet:Muhammad Ibrahim Zauq

Main Wo Majnoon Hoon Jo Nikloon Konj-e-Zindaan Chor'rh Kar

Seb-e-Jannat Tak Na Khaon Sang-e-Tiflan Chor'rh Kar

Main Hoon Wo Gum Naam Jab Daftar Mein Naam Ayaa Mera

Reh Gaya Bas Munshi-e-Kudrat Jagah Waan Chor'rh Kar

Ahl-e-Jaohar Ko Watan Mein Rehne Deta Gar Falak

Laal Kyon Is Rang Se Aata Badakhshaan Chor'rh Kar

Ghar Se Bhi Waqif Nahi Us Ke Keh Jis Ke Waaste

Baithe Hain Ghar Baar Sab Hum Khaana-Weeraan Chor'rh Kar

 

In Dinon Garche Dakan Mein Hai Bar'ri Qadr-e-Sukhan

Kon Jaaye "Zauq" Par Delhi Ki Galiyaan Chor'rh Kar.......!