Phirta Liye Chaman Main Hai Deewanapan Mujhe Zanjeer-e-Paa Hai Mauj-e-Naseem-e-Chaman Mujhe

Poet:Muhammad Ibrahim Zauq

Phirta Liye Chaman Main Hai Deewanapan Mujhe

Zanjeer-e-Paa Hai Mauj-e-Naseem-e-Chaman Mujhe

Hoon Shama Ya Keh Shola Khabar Kuch Nahin Magar

Fanoos Ho Raha Hai Mera Pairhan Mujhe

Kooche Mein Teri Kon Tha Leta Bhala Khabar

Shab Chaandni Ne Aa Ke Pehnaaya Kafan Mujhe

Dekhlaata Ik Ada Mein Hai Sau Sau Tarah Ke Banaao

Kis Saadapan Ke Saath Tera Bankpan Mujhe

Aaya Hoon Noor Le Ke Mein Bazm-e-Sukhan Mein "Zauq"

Aankhon Pe Sab Bethaaen Ge Ahl-e-Sukhan Mujhe...........!