Hai Haqeeqat,Gumaan Thor'ri Hai, Ye Siyaasi Bayaan Thor'ri Hai,

 Poetess:Fakhra Batool

Type By

*.__NOMI__.*

Hai Haqeeqat,Gumaan Thor'ri Hai,

Ye Siyaasi Bayaan Thor'ri Hai,

Dar Sa Laga Rehta Hai Kion Nateejay Se,

Ishq Hai Imtehaan Thor'ri Hai,

Chhor'r Kar Chal Dya Humein Youn Hi,

Wo Koi Bad-Gumaan Thor'ri Hai,

Teer Ki Ja Gulaab Kion Na Milain,

Zindagi Hai Kamaan Thor'ri Hai,

Koi Shikwa Karen To Kaise Karen,

Apne Monah Main Zubaan Thor'ri Hai,

Hum Ko Takta Hai Jis Haqaarat Se,

Tu Koi Aasmaan Thor'ri Hai,

Hum Se Milnay Ko Chal Ke Aaye Magar,

Is Qadar Meharbaan Thor'ri Hai,

Koi Basnay Laga Hai Is Mein "Batool"

Dil Hai,Khaali Makaan Thor'ri Hai......!