Meri Chhahat Ka Sar-e-Aam To Charcha Na Karo, Kam To Pehle Bhi Nahi Aur Tu Ruswa Na Karo,

Poetess:Fakhra Batool

Type By

*.__NOMI__.*

Meri Chhahat Ka Sar-e-Aam To Charcha Na Karo,

Kam To Pehle Bhi Nahi Aur Tu Ruswa Na Karo,

Kabhi Jagnu,Kabhi Taarey,Kabhi Nargis Keh Kar,

Tum Meri Aankhon Ko Is Tarha Chair'ra Na Karo,

Bhaamp Jaaye Na Kahein Dil Ki Lagi Ye Dunya,

Yon Shafaq Ban Ke Mere Chehre Pe Thehra Na Karo,

Baat Choti Si Bhi Afsaana Bana Deti Hai,

Tum Kitaabon Pe Mere Naam Ko Likha Na Karo,

Hai Ibadat Ki Tarha Naam Tumhara Bhi Mujhe,

Tum Saheefey Ki Tarha Tum Mujhe Socha Na Karo,

Dil Ko Bechain Sa Karti Hain Tumhari Aankhen,

Raat Ko Der Talak Tum Mujhe Socha Na Karo,

Saamne Sab Ke Kare Kis Tarha Iqrar "Batool"

Yun Sar-e-Bazm To Is Se Ye Taqaza Na Karo......!