Sochta Hon Mohabbat Se Kinara Kar Lon

 

Poet Sahir Ludhianvi

 

Sochta Hon Mohabbat Se Kinara Kar Lon,

Dil Ko Begana-E-Targheeb-O-Tamana Kar Lon,

Sochta Hon K Mohabbat Hai Janoon-E-Ruswa,

Chand Be Kaar Se Be Hooda Khayalon Ka Hajoom,

Aik Aazad Ko Paband Banane Ki Havas,

Aik Begane Ko Apnane Ki Sai Mohoom,

Sochta Hon K Mohabbat Hai Surwar-O-Masti,

Us Ki Tanveer Se Roshan Hai Fiza-E-Hasti,

Sochta Hon K Mohabbat Hai Bashar Ki Fitrat,

Is Ka Mit Jana Mita Dena Bahut Mushkil Hai,

Sochta Hon K Mohabbat Se Hai Tabinda-E-Hayat,

Aur Ye Shamma Bujha Dena Bahut Mushkil Hai,

Sochta Hon K Mohabbat Pe Karri Sharthein Hain,

Sochta Hon K Mohabbat Hai Ek Afsurda Si Laash,

Chadar-E-Izat-O-Namoos Mein Kafnai Hoi,

Dor-E-SarmaYa Ki Roondi Hoi Ruswa Hasti,

Darga-E-Mazhab-O-Akhlaq Se Thukrai Hoi,

Sochta Hon K Bashar Aur Mohabbat Ka Janoon,

Aise Boseeda Tamadan Mein Hai Ek Kaar Zaboon,

Sochta Hon K Mohabbat Na Bache Gi Zinda,

Peish Azaan Waqt K Sar Jaye Ye Galti Hoi Laash,

Yehi Behtar Hai K Begana-E-Ulfat Ho Kar,

Apne Seene Mein Karon Jazba-E-Nafrat Ki Talash,

Sochta Hon K Mohabbat Se Kinara Kar Lon,

Dil Ko Begana-E-Targheeb-O-Tamana Kar Lon................!

Page 48 To 49